Formula 1

Wolf: Hamilton nuk bën si Rosberg

Lewis Hamilton nuk do ta braktisë Mercedes-Benz. Kjo është garancia që jep numri një i ‘shigjetave të argjendta’, Toto Wolf, përsa i përket të ardhmes së pilotit britanik. Wolf shprehet se tek Mercedes nuk do të përsëritet historia e Rosberg, i cili pasi u shpall kampion bote braktisi skuadrën. 45-vjecari u shpreh i bindur se britaniku do të vazhdojë aventurën e tij me Mercedes.

“Unë mendoj se Lewis nuk ka për të ikur pa na lajmëruar më parë, siç bëri Rosberg, por do të mendojë për të mirën e skuadrës. Pas 2-3 vitesh ai mund të bëjë diçka ndryshe nga Formula 1, por nuk do të largohet në mënyrë të befasishme”, u shpreh Wolf.

Më pas Wolf deklaroi se ka nisur punën për rinovimin e kontratës të Hamilton që skadon vitin e ardhshëm.

“Kam nisur bisedimet për rinovimin e marrëveshjes dhe deri më tani tratativat po ecin mirë. Lewis kërkon të ketë lirinë e tij dhe nuk i pëlqen që të ulet në një dhomë bashkë me persona të tjerë, që i thonë se çfarë duhet të bëjë. Ajo që ka rëndësi për të, është të jetë i lirë në zgjedhjen që do të bëjë dhe të vendosë pa qenë nën trysni. Unë do të respektoj çdo vendim të tijin”, u shpreh numri 1 i Mercedes.

To Top

Njoftim

DigitAlb njofton abonentët në zonën e Tiranës, Kamzës, Vorës dhe Durrësit, të cilët kanë ende një dekoder apo modul të vjetër Tokësor SD, se duhet ta ndrrojnë patjetër me dekoder flyBOX ose T2 HD. E përfitoni falas me abonim Familjar ose Premium 12 mujor.

Pas proçesit të kalimit në T2, abonentët e tjerë me dekodera Tokësorë HD ose flyBOX, duhet të bëjnë PATJETËR Rikthim në Gjëndje Fillestare të Dekoderit, për të marrë renditjen e re të kanaleve.DigitAlb njofton abonentët në zonën e Tiranës, Kamzës, Vorës dhe Durrësit, të cilët kanë dekoder Tokësor HD ose flyBOX, dhe ju shfaqen probleme me sinjalin apo listimin e kanaleve, se duhet të bëjnë PATJETËR Rikthim në Gjëndje Fillestare të Dekoderit, për të marrë renditjen e re të tyre.