Connect with us

Hi, what are you looking for?

Kategoria Superiore

Vllaznisë s’i dalin llogaritë, synohet fitorja në çdo takim

Një disfatë që peshon shumë ajo në “Niko Dovana” për Vllazninë. E kotë të fshihesh, është një nga ato sfida mes rivalësh të drejtpërdrejtë që vlejnë 6 pikë dhe jo 3, pavarësisht se në vallen e mbijetesës tanimë ka hyrë zyrtarisht edhe Kamza.

Falë suksesit 2-0, skuadra e Gentian Begejas ka parakaluar kuqeblutë në klasifikim, ku pavarësisht se dy skuadrat janë me pikë të barabarta, bregdetarët pas 4 përballjeve sezonale gëzojnë avantazhin e epërsisë në sfidat direkte, çka do të thotë se deri në fund të kampionatit, nëse skuadra e Ernest Gjokës e mbyll sezonin me pikë të njëjta me Teutën, në pozicionet ku ndodhen aktualisht, do të detyrohet t’i thotë lamtumirë për herë të parë në histori Kategorisë Superiore.

Por llogaritë e vështira të Vllaznisë nuk mbarojnë këtu. Sa i përket kalendarit, në disavantazh me rivalët e drejtpërdrejtë, Teutën dhe Kamzën, Vllaznia e ka luajtur tanimë ndeshjen e fazës së katërt me Lushnjën e rënë nga Kategoria, ndërsa Teuta dhe Kamza presin ende sfidën me “lagunarët”, që nuk marrin pikë prej 11 ndeshjesh. Situatë vërtet delikate për sa i përket llogarive për të shpëtuar, tani Vllaznisë i duhet të marrë maksimumin e mundshëm në çdo sfidë, pa bërë më llogari.

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...