Mauro Icardi feston sot ditëlindjen e tij të 25-të, teksa nuk i ka shpëtuar goditjes me vezë e miell, rit i kthyer në traditë në ambientin zikaltër. Ka qenë pikërisht Davide Santon ai që ka marrë përsipër të ‘ndëshkojë’ kapitenin në ditën më të rëndësishme të jetës së tij, ndërsa atmosfera festive ka prekur gjithë dhomat e zhveshjes.
Edhe në familjen Icardi, Wanda dhe 5 fëmijët e saj kanë festuar ditëlindjen e Mauros, ndërsa urimet kanë qetë të pafundme edhe në rrjetet sociale. Gjithsesi, nuk kanë munguar as komentet ironike të tifozëve, të frymëzuar nga gjendja e vështirë që po kalon skuadra zikaltër në 10 takimet e fundit në Serinë A.