Kategoria Superiore

Veliu: Keqardhje për humbjen, goli ishte i dyshimtë

Franc Veliu luajti si titullar në takimin ndaj Skënderbeut, duke zhvilluar një ndeshje mjaft të mirë. Qendërmbrojtësi vlonjat shpreh keqardhje për humbjen e ndeshjes dhe veçanërisht për mënyrën se si skuadra u ndëshkua, ndërsa pranon se ka dyshime mbi rregullsinë e golit.

“Të dhëmb pak kjo humbje, pasi ndeshja po shkonte drejt barazimit, rezultat që do të na linte të kënaqur, pasi e kishim përgatitur lojën për të mos humbur. Kam pretendimet e mia edhe në rastin e golit, pasi faulli nuk ishte aspak dhe kam përshtypjen se James ishte në pozicion jashtë loje, por nuk jam plotësisht i bindur”, tha Veliu.

To Top