Valencia është rikthyer te fitorja,teksa ka mposhtur në derbi Levanten me rezultatin 3-1. Skuadra e Marcelinos dominoi takimin, ndonëse rezultatin e vendosi vetëm në pjesën e dytë, pasi 45-minutëshi i parë përfundoi në barazim 1-1.
Nga ana tjetër Levante nuk arriti të përsërisë ndeshjen me Realin, duke u dorëzuar dhe mbetur pranë zonës së ftohtë të renditjes. Edhe në këtë takim,ashtu si në atë të javës së parë me Realin, Armando Sadiku nuk u grumbullua nga trajneri i Levantes, duke u detyruar ta shikojë ndeshjen nga stoli.
