Manchester United siguroi kualifikimin për në Fa Cup, trofeun e vetëm në të cilin ka mbetur ende në garë për të shpëtuar sezonin. Në gjysmëfinalen e ‘Wembley-t’, ndaj Tottenhamit, skuadra e Jose Mourinhos fitoi me rezultatin 2-1 dhe tani pret të mësojë skuadrën tjetër finaliste, që do të përcaktohet nga çifti Chelsea-Southampton.
Në sfidën e sotme ishte Dele Alli që kaloi Tottenhamin në avantazh, që në minutën e 11’, por ‘djajtë e kuq’ u kundërpërgjigjën me anë të Sanchez, që shënoi me kokë, pas një krosimi perfekt të Paul Pogbasë.
Më pas, në pjesën e dytë ishte Romelu Lukaku që zbriti bukur në zonën kundërshtare dhe shërbeu për Ander Herrerën, që shënoi edhe golin e fitores për skuadrën e Manchester Unitedit.