Tottenham ka arritur të triumfojë me rezultatin e thellë 5-1, në sfidën e sotme ndaj Stoke Cityt. Pjesa e parë përfundoi 1-0 për londinezët, ndërsa goleada erdhi vetëm në pjesën e dytë, me Harry Kane që shënoi 2 herë dhe Son Hueng Min e Eriksen. Me këtë 3-pikësh, Tottenhami rikthehet përkohësisht në vendin e 5-të, me 28 pikë, po aq sa ka edhe Arsenali.
Burnley vijon me efektin e surprizës, teksa sot mposhti Watfordin me rezultatin minimal 1-0, ndërsa Crystal Palace dhe Bournemouth u ndanë në barazim 2-2. Fitore në shtëpi morën edhe Swansea e Huddersfieldi, në takimet respektive në fushat e tyre.
Premier League kryesohet nga Manchester City me 43 pikë, e ndjekur nga United me 35, me dy skuadrat e Manchesterit që do të përballen me njëra-tjetrën nesër në ‘Old Traffort’.