E ardhmja e David Lopez mund të jetë në Premier League. Mesfushori i Espanyolit me paraqitjen e tij ka tërhequr vëmendjen e skuadrave si Tottenahm e Newcastle, të cilat do të bëjnë maksimumin për ta rrëmbyer futbollistin gjatë merkatos së verës. Trajneri i “Spurs”-ave, Mauricio Pochettino, ka kontaktuar menjëherë me vetë lojtarin për ta bindur atë të transferohet te Tottenahmi sezonin e ardhshëm. 28-vjeçari, i cili është pjesë e klubit spanjoll që nga viti 2016, kur u transferua nga Napoli, ka një klauzolë largimi prej 40 milionë eurosh. Pas ekipeve angleze,në garë për kartonin e futbollistit është futur edhe Valencia.