Connect with us

Hi, what are you looking for?

Kategoria Superiore

Teuta “zien”, 5 humbje me kthim rezultati

Humbja e Teutës në kampionat nuk është më një risi, pasi “djemtë e detit” kanë humbur busullën dhe tashmë nga një skuadër me pretendime madhore kthejnë vëmendjen tek mbijetesa, duke parë shumë pranë zonën e rënies. 5 nga 8 humbjet e këtij edicioni, durrsakët i kanë pësuar me përmbysje rezultati, ndërkohë që 2 nga nga 3 barazimet i kanë marë me të njëjtën mënyrë. Trajneri Gugash Magani shpesh herë ka akuzuar lojtarë të vecantë për paraqitjen në fushën e lojës, por më shumë sesa çështje teknike kjo duket të jetë një çështje psikologjike. Skuadra nuk është e aftë të ruajë avantazhin, kjo jo prej lodhjes fizike pasi shihet qartë që Teuta vrapon deri në minutën e fundit, por duket më shumë një ngërc psikologjik tek lojtarët të cilët tashmë janë të mësuar me një ecuri të tillë. Në 7 nga 15 sfidat e këtij kampionati ka ndodhur që djemtë e detit të jenë në avantazh, por që në fund janë dorëzuar duke marë vetëm 2 pikë në këto 7 sfida. Nëse minimalisht do të ruhej avantazhi në dy nga këto 5 sfida të humbura atëhere sot do të flisnim për një skuadër që ishte pranë zonës së Europës. Mbi të gjitha skuadra çalon në aspektin mbrojtës, pasi përvec Lushnjës asnjë ekip tjetër nuk ka pësuar më shumë sesa durrsakët këtë edicion. Ndeshja e fundit për Teutën e vitit kalendarik është në një transfertë të vështirë, ndaj Skënderbeut në Korçë. Magani duhet të mendojë së pari për të marë diçka nga kjo transfertë dhe më pas të synojë përforcimin e një grupi, që më shumë sesa cilësi ka nevojë për një psikolog.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...