Teuta ashtu si Kukësi ka zgjedhur temperaturat e ulëta të Ohhrit për të vijuar punën në kuadër të sezonit të ri. Pas blerjeve të fundit që po kompletojnë organikën e “Djemve të Detit”, trajneri Gugash Magani ka rinisur punën duke rritur ritmin. Të Mërkurën pasdite ekipi durrsak zhvilloi seancën e parë stërvitore kryesisht me karakter shkrydhës për të shkarkuar sa më shumë lodhjen e udhëtimit.
Skuadra është pothuajse e pltë dhe ajo që ra në sy ishte fakti se për disa momente Teuta po stërvitej paralelisht me ekipin e Kukësit që ndodhej në fushën tjetër të kompleksit stërvitor. Momente interesante pasi dy ekipet që në datën 23 do të luajnë një miqësore, kanë pasur mundësi të përshëndeten. Sipas komunikatës së klubit durrsak, sulmuesi ganez Latif Amadu do të bashkohet me Teutën te ejnten në Ohër, ndërsa me grupin është bashkuar edhe blerja më e fundit, mesfushori Nijaz Lena. Trajneri Magani zhvilloi mbkedhjen e zakonshme përpara seancës stërvitore ku kërkoi përqëndrim dhe seriozitet nga djemtë e tij, ndërsa gjatë ditëve të ardhshme, tekniku peqinas planifikon të rrisë ritmin me dy seanca stërvitore në ditë.
