Juventusi i shkoi shumë pranë një përmbysjeje spektakolare në Madrid, ku po fitonte 0-3, por kur ndeshja po i drejtohej kohës shtesë, arbitri Michael Oliver akordoi një 11-metërsh në favor të Realit.
Bardhezinjtë, me në krye portierin dhe kapitenin Gigi Buffon, rrethuan arbitrin anglez, duke i kërkuar llogari për penalltinë e akorduar, por kur kuptuan se vendimi nuk mund të kthehej pas, tentuan kartën e fundit për të qëndruar në lojë.
Disa futbollistë me bluzë të verdhë u afruan te pika e penalltisë dhe tentuan të dëmtonin atë pjesë të fushës, me shpresën se kjo do të ndikonte në goditjen e Ronaldos, në momentin vendimtar.
Fillimisht Khedira, më pas Pjaniç e Chiellini, dhe në fund portieri i sapofutur, polaku Szczesny, që tentoi të ‘thellojë gropën’ e nisur nga shokët e tij të skuadrës.
Gjithsesi personi që fitoi 11-metërshin, Lucas Vasquez qëndroi pranë për të rregulluar dëmet e bardhezinjve, ndërsa Ronaldo preferoi të qëndronte larg kaosit, për t’u qetësuar para ekzekutimit të penalltisë që solli kualifikimin e madrilenëve në gjysmëfinale.
¡AÚN NO LO HAS VISTO TODO! VIMOS con @alexsilvestreSZ la INTRAHISTORIA del PENALTI señalado en el MINUTO 93. #ElChiringuitoDeMega pic.twitter.com/I7kdr93afo
— El Chiringuito TV (@elchiringuitotv) April 12, 2018
