Tre ditë para ndeshjes së Europa League-s, mes Skënderbetu dhe Partizanit të Beogradit, e programuar për t’u luajtur në “Elbasan Arena”, presidenti i korçarëve, Ardian Takaj ka një mesazh për të gjithë tifozët që do të jenë të pranishëm.
“Është vetëm një ndeshje futbolli dhe si e tillë, natyrisht që nuk ka vend për nacionalizëm. Presim shumë njerëz në stadium, që do të mbështesin ekipin dhe jam o bindur që do të zhvillohet një betejë e bukur, vetëm në aspektin sportive”, tha presidenti i korçarëve.
Ndërkohë Takaj nuk ngurron të bëjë të ditur edhe objektivin e skuadrës në këtë takim, teksa thekson se do të luajnë për fitore.
“Do të kërkojmë të marrim fitoren e parë në këtë edicion të gurpeve në Europa League, pasi i shkuam shumë pranë në ndeshjen ndaj Young Boys. Mendoj se i kemi të gjitha mundësitë për të bërë një ndeshje të bukur dhe për të dalë me 3 pikë nga fusha e lojës”, u shpreh Takaj.
