Aventura e Peter Pacult te Kukësi ka nisur me një fitore, ndonëse bëhet fjalë vetëm për një ndeshje miqësore. Verilindorët kanë triumfuar me rezultatin 1-2 ndaj Kayserisporit, në miqësoren e parë të luajtur në Antalya.
Peposhi në minutën e 21-të dhe Shameti një minutë më pas shënuan dy gola të shpejtë për Kukësin, duke i dhënë avantazhin e 2-fishtë kampionëve në fuqi. Kayserispori ngushtoi diferencën në minutën e 40, falë një gjuajtjeje me fat të Turan, ndërsa pjesa tjetër e lojës nuk prodhoi ndryshim rezultati.
Skuadra turke ishte më e qartë në lojën e saj dhe kontrolloi topin në pjesën më të madhe të takimit, ndërsa Kukësi u vendos mirë në mbrojtje dhe arriti të mbrojë me fanatizëm rezultatin.
