Skuadra e Strasbourgut bën surprizën e madhe në javën e 16-të të Ligës së parë në Francë, duke mposhtur 2-1 PSG-në kryesuese. Në “Stade de la Meinau”, skuadra që kërkon t’i largohet sa më parë zonës së ftohtë, shënoi që në 14-ën me Da Costan, në zhvillimet e një goditjeje të lirë.
Parisi i “yjeve” të mëdhenj të futbollit arriti të kthente baraspeshën në fund të pjesës së parë me Kylian Mbappe, pas një kombinimi mes Neymar dhe Cavanit, me uruguajanin që asistoi sulmuesin e ri francez.
Në pjesën dytë, pikërisht në minutën e 65-të, Bahoken gotiti saktë në zonë, duke e detyruar portierin Areola ta nxirrte për herë të dytë topin nga rrjeta. Pavarësisht humbjes, PSG mbetet në krye të klasifikimit me 41 pikë, 10 më shumë se Marseille.
Në takimet e tjera u arritën këto rezultate:
Lille – Toulouse 1-0
Monaco – Angers 1-0
Nice – Metz 3-1
Rennes – Amiens 2-0
Troyes – Guingamp 0-1
https://www.youtube.com/watch?v=8ejGBHe6X7Y
