Roma dështoi të shfrytëzonte barazimin në Juventus-Inter dhe t’i afrohej më shumë kreut. Verdhekuqtë nuk shkuan më shumë se një barazim pa gola në ‘Bentegodi’, ndaj Chievos, ndonëse dominuan takimin në pjesën më të madhe.
Portieri i veronezëve, Sorrentino tregoi edhe njëherë një nivel të jashtëzakonshëm, teksa u mohoi 2-3 gola të sigurt verdhekuqve, që vuajtën edhe gabimet në finalizim të Dzekos dhe Schick.
Në pjesën e dytë, edhe Chievo pati mundësitë e saj për të shënuar, me disa kundërsulme të rrezikshme, por që u zgjodhën gabim zgjidhën gabim nga Birsa dhe Inglesse. Verdhekuqtë mbeten në vendin e 4-t me 35 pikë dhe një ndeshje më pak.
