Pritej fitorja, për të arritur Monakon në vendin e dytë, por Marseja nuk shkoi më shumë se një barazim 3-3, në transfertën ndaj Strasburgut.
Ndeshja ishte spektakolare, me skuadrën e drejtuar nga Rudi Garsia që kaloi dy herë në avantazh, por 10 minutat e fundit iu desh të luftojë për barazimin, të cilin e arriti në minutën e 88-të, pas golit të Mitroglu.
Pas 9 javësh të kampionatit francez, kryeson PSG-ja me 25 pikë, ndërsa Marseja është në vendin e 6-të me 16 pikë.