Luftëtari është mposhtur me rezultatin 2-1 në miqësoren e parë të luajtur në Turqi, ndaj skuadrës së Trabzonsporit.
Gjirokastritët kanë pësuar nga një gol në çdo pjesë, ndërsa sulmuesi Vasil Shkurtaj ka barazuar përkohësisht rezultatin në fillim të pjesës së dytë.
Ky është një debutim perfekt për sulmuesin, që iu bashkua Luftëtarit vetëm në muajin janar dhe shënoi që në takimin e parë.
Luftëtari është duke kryer fazën përgatitore të dimrit në Antalia të Turqisë, ku do të luajë edhe takime të tjera miqësore.
Formacioni i Luftëtarit: Ruçi, Rapa, Zeqaj, Beqiri, Rapo, Ramadani, Aleksi, Rroca, Abazaj, Bregu dhe Lamcja .
U aktivizuan edhe: Cekrezi, Janku, Shkurtaj, Aurelio, Minga dhe Toledo .