Pas disa ditësh në Tetovë, skuadra e Shkëndijës është vendosur në Ohër, ku do të qëndrojë 7 ditë dhe do të vijojë përgatitjen në prag të gjysmës së dytë të sezonit.
Skuadra tetovare pritet të rritë ngarkesën në Ohër, ndërsa trajneri Osmani ka bërë një program me 2 seanca stërvitore në ditë.
Gjithashtu, më datë 12 dhe 16 Janar, Shkëndija do të luajë edhe 2 ndeshje miqësore, por emrat e kundërshtarëve nuk janë bërë të ditur.
Në këtë grumbullim është bashkuar edhe Ensuar Luma, që ka qenë pjesë e U-19-ës, ku edhe ka spikatur, ndërsa kanë mbetur jashtë planeve të trajnerit Osmani, Abdurrahimi dhe Asani, të cilët nuk kanë udhëtuar drejt Ohrit.
Ja lista e plotë e futbollistëve që janë grumbulluar nga Shkëndija për përgatitoren e Ohrit:
Portierë: Kostadin Zahov, Saladin Mustafi, Bekim Rexhepi, Artan Iljazi
Mbrojtës: Bllagoja Todorovski, Mevlan Murati, Olsi Teqja, Egzon Bejtullai, Ylber Beqiri, Mevlan Adili, Ardian Cuculi
Mesfushorë: Sabit Bilali, Besmir Bojku, Enis Fazlagic, Ennur Totre, Armend Alimi, Arbin Zejnullai, Ferhan Hasani
Sulmues: Stenio Junior, Ensar Luma, Marjan Radeski, Besart Ibraimi, Shefit Shefiti, Izair Emini
