Liverpooli ka gjetur njeriun e duhur për të amortizuar sadopak largimin e brazilianit Coutinho drejt Barcelonës. Bëhet fjalë për mesfushorin algjerian Mahrez, aktualisht pjesë e Leicester City-t po në Premier League.
Në Francë, në fakt, e bëjnë fakt të kryer kalimin e Mahrez në “Anfield”, madje po flitet edhe për kryerjen sa më parë të vizitave mjekësore.
Drejtuesit e “The Reds” e kishin një plan B nëse do të largohej Coutinho, të cilin po e vënë menjëherë në zbatim pas zyrtarizimit të brazilianit te “Blaugranat”. Në pamundësi për të mbërritur te Lemar i Monacos (klubi nga Principata bëri rezistencë të fortë), të gjitha energjitë janë përqendruar te Mahrez, i cili ka spikatur prej 3 sezonesh në radhët e Lecesterit. Liverpooli do të shpenzojë 55 milionë euro për futbollistin, që do të nëshkruajë për 4 sezone e gjysmë.