Eliminimi i australianit me origjinë qipriote Nick Kyrgios, ishte surpriza e vetëm e raundit të parë të Mastersit të Shanghait. Në turneun 1000 pikësh që po zhvillohet aktualisht në Kinë, Kyrgios u mposht nga amerikani Steve Johnson. Në fakt numri 21 në renditjen botërore, u tërhoq pas përfundimit të setit të parë që u fitua nga tiebreak nga Johnson.
Në ditën e dytë të Mastersit të Shanghait u luajtën edhe disa sfida të raundit të dytë. Spikat suksesi në 3 sete i francezit Richard Gasquet ndaj koreano-jugorit Chung. U kualifikuan në raundin e tretë edhe emra të tjerë të rëndësishëm si argjentinasi Juan Martin Del Potro, spanjolli Albert Ramos, kroati Marin Cilic dhe italiani Fabio Fognini.