Mbyllet me fitoren e Roger Federer finalja e turneut të Shangait në tenis për meshkuj. Zvicërani iu imponua në 2 sete rivalit të tij të madh (6-4, 6-3), duke konfirmuar se pavarësisht moshës, ruan një formë të mirë sportive. Federer e theu në shërbim Nadalin që në gejmin e parë të sfidës, ndërsa në setin e dytë spanjolli dështoi me shërbimet e tij në gejmet 5 dhe 9.
Për Mbretin Roger kjo ishte finalja e 143-të në karriere, nga të cilat 94 i ka fituar. Gjithsesi, në përplasjet direkte Nadal mbetet superior, me 14 finale të fituara përkundrejt 10 të Federer. Në fund tenisti nga Majorka komplimentoi rivalin e tij historik për këtë sukses, por theksoi se pavarësisht kësaj disfate po kalon një moment mjaft të mirë, ndërsa Federer u shpreh: “Vitin e kaluar në këtë periudhë isha në Majorka për të përuruar “Akademinë e Nadalit”. Anjëri nga ne të dy nuk mendonte se pas një viti do të ishim këtu, për të luajtur këtë finale. Shpresoj që edhe në 2018-ën të jem këtu.”