Clarence Seedorf është gati për një aventurë të re, larg Europës. Holandezi mund të rinisë gjithçka nga Brazili. Sipas mediave italiane, ish-trajneri i Milanit është gati të rikthehet në drejtimin e një skuadre. Seedorf ka arritur akordin me ekipin e Atletico Paranaense, ku mbeten për t’u sqaruar vetëm detajet e fundit të kontratës. Po sipas asaj që raportojnë mediat, 41-vjeçari do ta menxhojë vetë merkaton dhe do të jetë ai që do të zgjedhë e të vendosë për lojtarët.