Rusia pëson humbjen e dytë radhazi në shtëpi, brenda pak ditësh, teksa pasi e mposhti Brazili me rezultatin 3-0, në Shën Peterburg ishte radha e Francës të triumfojë 1-3.
Mbappe dhe Pogba ishin liderët e Francës në këtë takim, duke rikthyer te fitorja skuadrën e Deschamps, pas humbjes me përmbysje ndaj Kolumbisë.
Sulmuesi i PSG-së zhbllokoi rezultatin pas asistit të Pogbasë, ndërsa më pas ishte vetë ylli i Manchetserit që dyfishoi shifrat. Smolov rihapi takimin në minutën e 68’, por 15 minuta më pas ishte sërish Mbappe, që shënoi golin e tretë dhe mbylli takimin.