Miqesore

Rumunët e Sepsi Osk, kundërshtarët e tretë të Kamzës

Një skuadër e elitës së futbollit rumun për testin e tretë në mini-fazën përgatitore në Turqi. Kamza njoftoi se këtë të diel do të zbresë në fushë përballë Sepsi Osk, ekip që në këtë sezon, për herë të parë në histori po luan në Ligën e Parë në Rumani.Ndeshja do të zhvillohet pak pas mesditës në Antalia, ndërsa ajo cilësohet një provë shumë e rëndësishme për skuadrën e drejtuar nga trajneri Ndreu për pjesën e mbetur të kampionatit.

Sepsi Osk nuk është në formën më të mirë të mundshme, edhe sepse në kampionatin rumun renditet në vendin e parafundit dhe është një prej skuadrave më të rrezikuara për të rënë nga kategoria.Kjo është një mundësi e mirë për Kamzën që të regjistrojë edhe fitoren e parë në ndeshjet e luajtura në tokën turke, pas humbjes 4-1 në miqësoren e parë me Gençlerbirliği dhe humbjes minimale të pësuar në përballjen me një tjetër skuadër të Superligës turke, Alanyaspor.

To Top