Kupa e Gjermanise

Rummenigge: Bayern-Dortmund, sa keq para Krishtlindjes!

Admistratori i Deleguar i Bayernit, Karl-Heinz Rummenigge, nuk është aspak i kënaqur nga shorti i Kupës së Gjermanisë, që e vendosi ekipin bavarez përballë Borussias së Dortmundit në fazën e 1/8-ave. 62-vjecari e konsideron një finale të parakoshme dhe që do të luhet në periudhë intensive para Krishtlindjes.

“Një përplasje e tillë nuk duhej të vinte kaq shpejt. Në bazë të kalendarit, do të përplasemi para Kishtlindjes dhe askush nuk e dëshironte këtë. Zakonisht, Bayern-Dortmund është e fundit e kompeticionit, kështu ka ndodhur thuajse gjithmonë gjatë viteve të fundit.”

Në raundin paraardhës, Bayernit iu desh të eliminonte mes shumë vështirësish një tjetër skuadër të fortë të Bundesligës, pikërisht Liepzigun, pas goditjeve të 11-metërshave. Sfida e Kupës së Gjermanisë me “verdhezinjtë” do të luhet më 19 ose 20 dhjetor në “Allianz Arena”.

To Top