Antonio Conte rrëfeu se jeton tërë kohës me futbollin dhe se shkëputet prej tij vetëm kur është duke fjetur. Trajneri italian i Chelsea-t u shpreh se për të qenë i suksesshëm i është dashur të sakrifikojë shumë nga jeta e tij personale dhe ajo familjare.
“Jetoj me futbollin tërë kohës. Fle vetëm 4-5 orë në 24 dhe sapo zgjohem filloj e mendoj sërish për futboll. Kjo më kushton shumë, sepse shpeshherë detyrohem të lë pas dore familjen dhe jetën personale, ndaj ndonjëherë e urrej futbollin”, u shpreh italiani gjatë marrjes së një çmimi nga kompania e modës ‘GQ’.
Antonio Conte është në sezonin e dytë të tij në Premier League, ndërsa mbrojtja e titullit kampion duket se nuk po shkon aspak mirë, sepse pas 8 javësh, Chelsea është plot 9 pikë larg City-t kryesues.