Cristiano Ronaldo dhe Gareth Bale trondit ambientin e Realit të Madridit pas fitmit të Championsit të tretë radhazi. Dy “yjet” e klubit më të titulluar spanjoll paralajmërojnë largimin që këtë verë. Fjalët e portugezit për “BeIn Sport” nuk kan kanë nevojë për shumë koment.
“Qëndrimi në Madrid ka qenë diçka e bukur. Ditët në vazhdim do të jap një përgjigje për tifozët, ata më kanë mbështetur gjithmonë. Kemi shkruar historinë e tani duhet të gëzojmë. Le të dëfrehemi në këtë moment me trajnerin Zidane dhe të gjithë pjesëtarët e stafit teknik. Nuk është shumë e rëndësishme në këto çaste e ardhmja e lojtarëve. Dua të pushoj pak, pasi do t’i bashkohem Portugalisë, të shohim çdo të ndodhë më pas.
Ronaldo nuk mundi të shënonte në finale të Championsit, por ky fakt nuk e trishton aspak.
“Më thoni, cili është krygolashënuesi i këtij sezoni në Champions! Cili ka fituar më shumë apo ka shënuar më shumë? Është e pabesueshme kjo që kemi arritur, është një moment unik dhe nuk gjejmë fjalë për të përshkruar.”
Mundohet të qetësojë tifozët e Realit Florentino Perez, i cili, i pyetur për fjalët e fundit të Ronaldos, u përgjigj:
“Të gjithë kanë të drejtë të flasin, por më i rëndësishëm është klubi. Pastaj, gjithmonë flasim për Ronaldon dhe në fund nuk ndodh asgjë. Jam shumë i kënaqur që Ronaldo ka fituar 5 Champiosn, si unë.”
Por nuk është vetëm Ronaldo që paralajmëron largimin. Edhe Gareth Bale tha sinjale lamtumire, i pakënaqur nga fakti që nuk bën pjesë, në të shumtën e ndeshjeve, në formacionin titullar.
“Kam nevojë të luajë në çdo javë. Nuk e kam patur këtë vazhdimësi gjatë këtij sezoni, edhe pse ndihesha shumë mirë dhe isha në formë. Të shohimn se si do ta vlerësojnë përfaqësuesit e mi këtë situatë.”