Connect with us

Hi, what are you looking for?

Bundesliga

Rinovimi me Dortmundin, Reus: Zgjedhje e menduar mirë

Marco Reus, ka rinovuar kontratën e tij më klubin e Borussia Dortmund, deri në 30 qershor të vitit 2023, duke iu përgjigjur kështu çdo spekulimi mediatik që e shoqëronte të ardhmen e tij në klube të tjera europiane, konkretisht tek kuqezinjtë e Milanit. Sulmuesi i talentuar gjerman shprehet i lumtur për vazhdimësinë e tij tek klubi i verdhezinjve.

“Jam lindur dhe rritur në Dortmund, dhe nuk kishte se si të ndodhte ndryshe, të mos bëhesha një element i kësaj organike. Pas eksperiencave me Rot Weiss Ahlen dhe Borussia Monchengladbach, erdhi oferta e Dortmund për mua. Ka qenë gjithnjë ëndrra ime të luaj për këtë ekip dhe jam i lumtur që e kam realizuar atë”, tha Reus.

28-vjeçari është i vetëdijshëm se në këtë stad të karrierës së tij, ky rinovim me shumë gjasa do të jetë kontrata e tij e fundit e madhore.

“Të thuash që kjo është logjike, është pak. Bëra vlerësimet e mia dhe tashmë dua të tregoj se jam shumë i lidhur me këtë klub, me të cilin dëshiroj të arrij shumë. Ndihem shumë i vlerësuar dhe mirënjohës që më konsiderojnë si një legjendë në këtë ekip, apo si Tottin tek Roma, për lidhjen dhe afeksionin me këtë skuadër, gjithsesi duhet thënë se secili lojtar ka peshën e vet”, u shpreh sulmuesi.

I lindur në vitin 1989, Marco Reus veshi fanellën e Dortmundit në vitin 2012 dhe që atëherë numëron 92 gola dhe 61 asiste, në 196 prezenca me skuadrën gjermane, ndërkohë që në palmerisin e tij ka rreshtuar një sërë trofesh, mes të cilëve një Kupe të Gjermanisë dhe dy Superkupa, me këtë skuadër.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...