Sfida mes Borusias së Dortmundit dhe Augsburgut, mbylli javën e 24-t të kampionatit Gjerman. Në ‘Signal Iduna Park’, verdhezinjtë nuk shkuan më shumë se një barazim 1-1, ndonëse dominuan takimin.
Skuadra e Peter Stoger qarkulloi shumë topin, por pa arritur të jetë shumë efektive, ndërsa Augsburgu u tregua shumë e shpejtë në daljen në kundërsulm.
Marco Reus shënoi për vendasit që në minutën e 16’, ndërsa Augsburgu barazoi në minutën e 73-të me anë të Danso, duke marrë një pikë shumë të vlefshme në një transfertë të vështirë.