Kupa e Mbretit në Spanjë ka vijuar sot me 5 takime të tjera, ku më i rëndësishmi ishte ai mes Realit të Madridit dhe Fuenlabradës, e fituar nga kryeqytetasit me rezultatin 2-0.
Zidane kishte hedhur në fushën e lojës një pjesë të mirë të futbollistëve që nuk kanë gjetur shumë hapësira, por edhe disa nga ekipi i të rinjve.
Asensio ishte i vetmi titullar në formacionin e Realit dhe pikërisht ai zhbllokoi rezultatin në minutën e 63-të, ndërsa Lucas dyfishoi shifrat 12 minuta më pas.
Në takimet e tjera, Sociedad fitoi ndaj Lleidas 0-1, ndërsa Levante mposhti 0-2 Gironën. Befasues ishte rezultati mes Deportivo La Corunës dhe Las Palmasit, që përfundoi 1-4 në favor të këtyre të fundit.
