Të mërkurën në mbrëmje në ‘Olimpico’ të Romës do të luhet finalja e Kupës së Italisë për sezonin 2017-2018, ku Milani dhe Juventusi do të diskutojnë trofeun mes tyre.
Po nga kryeqyteti italian, ku po mbahet mbledhja e Asamblesë së Ligës, vjen një tjetër lajm i rëndësishëm sa i përket të drejtës së transmetimit të këtij kompeticioni.
Kështu Rai ia ka dalë të blejë sërish të drejtën e transmetimit të ndeshjeve të Kupës së Italisë dhe finaleve të Superkupës, edhe për periudhën 2018-2021. Oferta e gjigantit italian ka qenë 35.5 milionë euro, kundrejt 33 milionë eurove të ofruara nga Mediaset, që u rendit e dyta në garë.
