PSV Eindhoven nuk njeh pengesë në garën për titull në Eredivisie. Skuadra kryesuese e kampionatit holandez mposhti 2-1 në transfertë Spartën e Roterdamit. Tri pikët e radhës e ngjisin këtë skuadër në kuotën e 61 pikëve, 10 më shumë se Ajaxi, që luan këtë të diel me Twenten.
Sparta, që mbyll klasifikimin në Eredivisie, befasoi miqtë me golin e Dougall që në minutën e 6-të.
Kundërpërgjigjia e futbollistëve që drejtohen nga Philip Cocu erdhi në minutën e 41-të me Bergwijn. I njëjti futbollist shënoi edhe golin e fitores për PSV-në në minutën e 56-të.
Në takimet e tjera u arritën këto rezultate:
Heracles – Willem II 1-0
Utrecht – Zwolle 2-1