PSG kërkon të përfitojë 75 milionë euro nga shitjet e disa futbollistëve të rëndësishëm por që po gjejnë pak hapësira në këtë sezon te skuadra e drejtuar nga Unai Emery për të evituar rrezikun e ndonjë ndëshkimi nga UEFA për shkak të fair play finanaciar. Për të balancuar disi shpenzimet e mëdha në merkato pas blerjeve të Neymar e Mbappe, PSG ka nxjerrë në shitje tre lojtarë. Angel Di Maria, Javier Pastore dhe Lucas Moura janë tre emrat të cilët drejtuesit e klubit francez i kanë nxjerrë në shitje. Nga shitja e Di Marias, PSG synon të përfitojë 40 milionë euro, ndërkohë për argjentinasin tjetër Pastore parizienët do të kënaqeshin edhe me 20 milionë euro. Përsa i përket brazilianit Lucas Moura i cili është nxjerrë totalisht jashtë projektit mund të mjaftonin edhe 15 milionë euro që PSG të hiqte dorë nga shërbimet e tij.
