Paris Saint Germain është rikthyer te fitorja, pas hapit fals të javës së kaluar në Strasbourg, ku humbën me rezultatin 2-1. Kryeqytetasit mposhtën me rezultatin 3-1 Lillen, në një takim të cilin e dominuan totalisht.
Me Neymarin e pezulluar, ishte radha e Di Marias që të frymëzonte ekipin, me golin e shënuar në minutën e 28’ dhe asistin e dhënë për Pastoren në të 49-ën. Lille rihapi takimin në minutën e 86’ me anë të El Ghazit dhe i shkoi pranë befasisë në ‘Parc des Princes’, por Kylian Mbappe shënoi në minutën e 3-të shtesë dhe vulosi rezultatin 3-0. Tani PSG-ja shkon në kuotën e 44 pikëve dhe përkohësisht ka 12 pikë më tepër sesa ndjekësit më të afërt, Lyon, Marseille dhe Monaco.