Vala Superliga

Prishtina rikthehet te fitorja, rimerr vendin e dytë

Pas 2 humbjeve radhazi Prishtina e Mirel Josës u rikthye te fitorja në Vala Superligën e Kosovës. Kryeqytetasit triumfuan me shifrat 0-2 në transfertën përballë skuadrës më të dobët të kampionatit Vllaznisë së Pozheranit duke u ngjitur në kuotën e 28 pikëve, dy më pak se Llapi që kryeson klasifikimin. Për meritë edhe të Liridon Fetahaj autori i një dygolëshi në këtë sfidë bardhekaltërit rimorën vendin e dytë duke zbritur me nga një pozicion më poshtë Feronikelin dhe Dritën. Për Prishtinën kjo ishte fitorja e 3-t në transfertë dhe e 8-ta në total në këtë sezon ndërkohë që Vllaznia pësoi humbjen e 5-t radhazi teksa pozicionohet në vendin e fundit me vetëm 5 pikë të grumbulluara.

To Top