Vala Superliga

Prishtina fiton derbin dhe nuk i ndahet Dritës

Fitore e thjeshtë për Prishtinën në derbin e kryeqytetit të Kosovës. Skuadra e Mirel Josës mposhti lehtësisht në transfertë 2-0 Flamurtarin duke e ngushtuar sërish në 3 pikë diferencën ndaj Dritës kryesuese edhe pas javës së 26-të. Në sfidën përmbyllse të këtij raundi të Vala Superligës së Kosovës vendosën golat e dy afrikanëve. Në minutën e 14-të mesfushori ganez Jamal Arago i dha epërsinë skuadrës së Josës me një goditje të saktë nga 16 metra, ndërkohë që fitoren e Prishtinës e vulosi sulmuesi Basit Khalid me golin e tij në minutën e 87-të, pas asistit të Ahmed Januzit. Me këtë fitore Prishtina u ngjit në kuotën e 47 pikëve ndërkohë që Flamurtari vazhdon të mbetet në zonën e rrezikshme pasi renditet në vendin e parafundit.

To Top