Shpërthimi i sulmuesit Mariano Diaz te Lyoni ka shkaktuar një betejë mediatike në Spanjë dhe Francë ku shkruhet se 24-vjeçari do të riblihet nga Real Madridi në verën e ardhshme. Presidenti i Lyon, Jean Michel Aulas vendosi të ndërhyjë duke sqaruar se sulmuesi spanjoll nuk ka në kontratë klauzolë riblerjeje nga Reali por do të përfitojë vetëm 35% të shumës që do të shitet në të ardhmen lojtari. Mariano u ble për 8 mln Euro këtë verë nga Lyoni dhe në 12 ndeshje ka shënuar 9 gola e ka dhuruar 2 asiste.