Kategoria Superiore

Plaku “fluturon” ulët: Nuk jemi ende për zonën Europiane

Sebino Plaku, ashti si trajneri Ramadan Ndreu kërkon të ruajë një profil të ulët dhe të largojë euforinë nga Kamza pas fitores së madhe të arritur në fushën e Kukësit. Sipas sulmuesit me eksperiencë, ky trepikësh tregon që skuadra po ruan stabilitetin

“Kishim zhvilluam dy ndeshje relativisht të mira me Laçin, që morëm pikë të plota, dhe me Partizanin, pasi reaguam pas dy golave të pësuar. Ndeshja e tretë ishte konfirmimi që ky ekip ka potencialin e duhur, por edhe që një ndeshje nuk i ngjan tjetrës. Ndeshja tregoi stabilitetin tonë. Nëse e ruajmë, do të jetë shumë mirë, do të jetë luftë deri në fund. Nuk kemi hapin e Europës, sepse ndikojnë shumë faktorë. Mbijetesa për ne është e domosdoshme. Çdo gjë tjetër është plus. Ne duam të jemi në Superiore.”

Sa i përket formës së tij, Plaku këmbëngul se ka lëvizur në shumë skuadra vitet e fundit, çka nuk e ka lejuar të tregojë të gjithë potencialin e tij.

“Pjesa më e vështirë për një lojtar është kur lëviz shumë në skuadra të ndryshme. Ardhja ime te Kamza më ka dhënë më shumë stabilitet. Më ka munguar vazhdimësia kështu që tani kam mundësi t’i tregoj më mirë aftësitë e mia.”

 

To Top