Stoke City nuk i mjaftoi një perlë e Xherdan Shaqirit për të shpëtuar nga rënia në Championship. Pas 10 vitesh, bardhekuqtë u rrëzuan nga Premier League pas një humbje 1-2 me Crystal Palace në shtëpi, ndërkohë që West Bromuich i dha vetes shpresë, edhe pse minimale, pasi mundi 1-0 Tottenhamin.
Në ‘Stoke on Trent’, vendasit morën epërsinë me një gol të jashtëzakonshëm të Shaqirit me goditje dënimi, por në pjesën e dytë londinezët përmbysën rezultatin me anë të Mcarthur dhe Van Holt.
West Broumuich ju fal një gol të Livermore në minutat shtesë duke mposhtur Tottenhamin në shtëpi e duke pasur ende shpresë për mbijetesën ndërsa për gjelat e Londrës, një humbje që mund të komplikojë dhe një vend në Champions për sezonin e ardhshëm.
Southampton humbi dy pikë në transfertën me Evertonin. Miqtë kryesuan deri në minutën e 96-të pas golit të Redmond, por pikërisht kur menduan se e kishin fituar sfidën pësuan golin e barazimit nga Davies, që komplikon pozitat e tyre në fundin e renditjes.
