Connect with us

Hi, what are you looking for?

Lajme

Përgatitorja në Antalia, Tirana barazon edhe ndaj rusëve

Tirana barazon edhe në miqësoren e dytë në Antalia. Testi i bardhebluve përballë Khabarovsk, skuadrës që mbyll renditjen në Premierligën ruse, përfundoi në barazim 2-2. Të katërt golat u realizuan prej pjesës së parë të lojës. Skuadra e Ze Marias e pa veten në disavantazhin e dy golave pas vetëm 7 minutave të para të lojës.

Megjithë goditjen shumë të shpejt, Tirana arriti të reagonte, duke rikthyer ekuilibrat përballë rivalëve nga lindja e largët. Yunus Sentamu në minutën e 28-të dhe Asjon Daja pak çaste përpara pushimit ndërmjet pjesëve kthyen baraspeshën në rezultat. Shifrat e ndeshjes nuk ndryshuan në 45 minutat e dyta, me trajnerët që kryen shumë zëvendësime, duke i dhënë hapësirë lojtarëve që kishin në dispozicion.

Edhe pse ishte vetëm një miqësore, ky barazim i vlen shumë bardhebluve, prej forcës së kundërshtarit që militon në elitën e futbollit rus, por mbi të gjitha për karakterin e shfaqur nga ekipi që neutralizoi disavantazhin e dy golave.

Ky ishte testi i dytë i Tiranës gjatë mini-fazës përgatitore në Antalia. Vetëm pak ditë më parë, ekipi i Ze Marias barazoi 1-1 përballë kazakëve të Tobolit, duke treguar nivel mjaft të mirë të bardhebluve, përpara startit të gjysmës së dytë të kampionatit.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...