Connect with us

Hi, what are you looking for?

Kupa e Shqipërisë

Partizani ndryshon objektivat, rikthehet derbi me Tiranën?

Me kreun 14 pikë larg, Sulejman Starova ktheu menjëherë sytë nga Kupa, një objektiv më real për të siguruar një trofe, në një sezon të nisur në mënyrë katastrofike.

Te Tirana e kanë thënë që në fillim, Ze Maria përveç detyrës për të ngjitur menjëherë bardheblutë në Superiore, ka si prioritet Kupën, si rruga e vetme që mund të çojë 24 herë kampionët në Europë. Tirana me trofeun ka një familjaritet këto vitet e fundit, sepse është kampione në fuqi dhe e ka fituar Kupën 3 herë në dekadën e fundit, konkretisht në vitet 2011 dhe 2012.

Partizani për herë të fundit e ka fituar Kupën në 2004-ën, pas një finaleje të shumëdiskutuar me Dinamon. Në gjithë këto vite pas ri-ngritjes në Superiore, në kampin e kuq kanë menduar ekskluzivisht për titullin kampion, me Kupën që më së pakti është lënë pas dore, ndërkohë që edhe në kampin bardheblu, më së shumti është konsideruar një trofe për kohë të keqe.

Fakti që Tirana dhe Partizani kanë prioritet Kupën, nuk është lajm i mirë për dy klubet e kryeqytetit apo tifozëritë e tyre, të mësuara të synojnë maksimumin, ndërsa për sa i përket kompeticionit, është padyshim një vlerë e shtuar, ambicia e tyre për të arritur te ky trofe.

Rivalët e përjetshëm këtë vit janë në kampionate të ndryshme, pa mundur të na dhurojnë spektaklin e një përballjeje mes tyre, por, ndoshta derbi mund të bëhet realitet në Kupë, aty ku për të shpresuar një përplasje mes tyre, duhet të presim të paktën deri në gjysmëfinale.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...