La Liga

Paqe në derbin e Sevillas, fitore minimale për Valencian e Atl. Madridin

Në javën e parafundit të La Ligës, Atletico e Madridit fitoi me rezultatin minimal 0-1 ndaj Getafes, duke blinduar vendin e dytë të renditjes. Një gol i shënuar nga Koke në minutën e 8’ mbeti në fuqi deri pas vërshëllimës përfundimtare të arbitrit të takimit, duke bërë që skuadra e Simeones të marrë 3 pikët.

Derbi mes Betisit dhe Sevillës prodhoi plot 4 gola dhe shumë raste e spektakël, por në fund të dy skuadrat ndanë nga një pikë në barazimin 2-2. Në Andaluzi ishte Betisi që kaloi i pari në avantazh, ndërsa më pas Sevilla arriti të përmbysë rezultatin, por sfida u barazua sërish nga pritësit.

Fitore minimale mori edhe Valencia në transfertën katalane ndaj Gironës, ndërsa Villareali mposhti 2-4 Deportivo La Corunën, duke siguruar një vend në edicionin e ardhshëm të Europa Leagues.

To Top