Skuadra e Palermos ka vendosur të shkarkojë nga puna trajnerin aktual Bruno Tedino, për t’i besuar stolin Roberto Stellones, në javët e mbetura të këtij sezoni në Serinë B.
Vendimi erdhi menjëherë pas humbjes në Venecia, teksa presidenti i siçilianëve, Maurizio Zamparini vendosi të sjellë një tjetër trajner, për të shkundur skuadrën në këtë sprint final të sezonit.
Kujtojmë që Palermo renditet në vendin e 3-të të Serisë B dhe është plotësisht në garë për t’u rikthyer në Serinë A, ndërsa nga nesër, stërvitja do të drejtohet nga Roberto Stellone.
Paraditen e sotme mediat italiane renditën edhe ish trajnerin e Shqipërisë, Gianni De Biasin si favorit për të marrë drejtimin e siçilianëve, por duket se në fund ka fituar kandidatura e Stellones.