Kupa e Spanjes

Ora 21:30, Sevilla – Barcelona, në “Wanda Metropolitano” dorëzohet trofeu

Në Spanjë është momenti i finales së Kupës të Mbretit, Sevilla-Barcelona. “Blaugranat” janë dhe skuadra që e kanë fituar mësë shumti këtë trofe, plot 29 herë, gjithashtu janë edhe kampionët në fuqi, pas suksesit të arritur sezonin e kaluar në finale ndaj Alaves, ndërsa pas Barçes qëndrojnë Athletic Bilbao me 23 trofe dhe në vendin e tretë Reali i Madridit me 19.
Edicioni i Kupës së Mbretit e ka nisur rrugëtimin e saj që në 1903, më pas është quajtur Kupa e Republikës, ndërsa emrin që mban aktualisht e ka marrë prej sezonit 1976-77.

Sot nw mbrwmje nw orwn 21:30, Barcelona dhe Sevilla do të përbplasen në stadiumin e Atleticos së Madridit “Wanda Metropolitano”. Katalanasit janë shumë pranë titullit kampion në La Liga, vetëm matematika i pengon të nisin festën. Në kampin tjetër Sevilla nuk ka asgjë për të humbur. Andaluzianët pas atij eliminimi ndoshta të pamerituar nga Champions League janë jashtë zonës europiane, edhe pse një vend në Europa League është ende i mundshëm, pasi vendi i 6 është vetëm tri pikë larg.
Skuadrat ritakohen në finalen e Kupës së Mbretit pas dy vitesh. Në 2016-wn Barcelona fitoi përballë Sevillas 2-0, ndërsa vitet e fundit në duelet mes tyre në kampionat situata deri diku ka qenë e ekuilibruar. Takimi i fundit në “Camp Nou” u mbyll me suksesin 2-1 të “blaugranave”, ndërsa sfida e fazës së dytë në “Ramon Sanchez Pijzuan” përfundoi në barazim 2-2. Andaluzianët kanë edhe një arsye më shumë për ta fituar këtë ndeshje, sepse suksesi do t’u garantonte pjesëmarrjen për sezonin e ardhshëm në Europa League.

To Top