E ardhmja e Jack Wilshere me shumë mundësi do të vazhdojë të jetë në Angli. 26-vjeçari, të cili në fund të sezonit i skadon kontrata me Arsenalin, pritet të transferohet tek Wolverhampton, që sezonin e ardhshëm do të luajë në Premier League. Dëshira për të qëndruar në vendlindje ka bërë që mesfushori të refuzojë ofertat e shumta nga skuadrat italiane. Wilshere është pjesë e “Topçinjve” që nga viti 2008, ndërsa për periudha të shkurtra ka luajtur në formë huazimi te Boltoni dhe Bournemouthi. 26-vjeçari nuk është i kënaqur me trajtimin financiar tek Arsenali, ndaj nuk ka pranuar të rinovojë kontratën.
