Federata Shqiptare e Futbollit është njoftuar për vendimin më të fundit të Komisionit të Disiplinës në FIFA për çështjen e klubit “Atletico All Boys” kundër klubit të futbollit “Shkumbini”, lidhur me kompensimin për trajnim të lojtarit Federico Mazur.
Për shkak të moszbatimit të vendimit të marrë nga Komisioni i Disiplinës i FIFA-s me datë 7 Shtator 2017 nga ana e klubit të futbollit Shkumbini, është implementuar menjëherë nga FSHF, pika 4 e vendimit, duke i zbritur klubit të Shkumbinit 3 pikë nga klasifikimi aktual në kampionat.
FSHF pasi ka përcjellë vendimin tek klubi i futbollit “Shkumbini” i bën me dije marrjen e masave të menjëhershme për shmangien e penaliteteve të mëtejshme, në rast moszbatimi sërish. Me heqjen e 3 pikëve Shkumbini zbret në vendin e fundit në Grupin B dhe është shumë pranë rënies në Kategorin e dytë.
Fedrico Mazur ka qenë pjesë e Shkumbinit në pjesën e dytë të sezonit 2013-2014, duke u aktivizuar në 8 ndeshje, për 481 minuta në total.