Thomas Meunier mbrojtësi belg i PSG i cili luan në krahun e djathtë nuk ka frikë nga sfidat madje as nga rivaliteti me një emër të madh të futbollit si Dani Alves. Pikërisht për shkak të transferimit te parizienët gjatë kësaj vere të mbrojtësit brazilian, Meunier ka gjetur pak hapësira në formacionin e skuadrës së Unai Emery, megjithatë për të qëndruar PSG, belgu ka refuzuar një ofertë nga kampionët në fuqi të Anglisë. Meunier i cili numëron 7 paraqitje në Ligue 1 këtë sezon dhe 3 gola të realizuar ka zbuluar një prapaskenë të merkatos. “ E dija që PSG kishte firmosur me një tjetër mbrojtës të djathtë por nuk e dija që ai ishte Dani Alves. Nuk dija çfarë të mendoja. Pyesja veten nëse do të qëndroja gjithmonë në stol. Gjithsesi në ditën e fundit të merkatos refuzova një ofertë të Chelsea-it. Jam i lumtur që luaj te Paris Saint Germain dhe nuk dua të largohem nga kjo skuadër”, nënvizoi Thomas Meunier në një intervistë për mediat belge.
