Neymar Junior doli kokulur nga “Santiago Bernabeu”, kur PSG mori një humbje zhgënjyese 3-1 ndaj Realit të Madridit në sfidën e parë të fazës së 1/8-ave të Championsit. Por 26-vjeçari nuk është dorëzuar, përkundrazi beson se ky rezultat mund të përmbyset në takimin e klthimit në “Parc des Princes”.
“Asgjë nuk është vendosur, kemi edhe ndeshjen e kthimit.”
Braziliani, në fakt, ka të drejtë kur shprehet optimist, nëse i referohesh përmbysjes historike 6-1 të Barcelonës ndaj PSG, teksa takimi i parë kishte përfunduar 4-0 për francezët, por Reali ka 12 trofe të fituar dhe eksperiencë e duhur në Champions për ta administruar avantazhin.
I ngacmuar për transferimin e tij të mundshëm te Reali në të ardhmen, Neymar reagoi shkurt:
“Kam kontratë me PSG dhe jam shumë i lumtur në Paris.”