Kanë qenë yjet e botës ata që kanë triumfuar në sfidën kundrejt atyre amerikanë, që njihet edhe si All Stars Game. Ashtu siç pritej, loja ka qenë spektakolare dhe ka përfunduar me rezultatin 155-124, ndërsa për All Stars World, ka spikatur pikërisht basketbollisti serb Bogdan Bogdanoviç, që u shpall edhe më i miri i ndeshjes.
Yjet botërorë dominuan në të 4 fraksionet e lojës, ndërsa veçanërisht 3 të parët I fituan me diferencë të konsiderueshme. Për yjet amerikanë nuk mjaftoi loja e mirë e Brown me 35 pikë, 1 asist dhe 10 rikuperime, ndërsa Bogdanoviç nga ana tjetër realizoi 26 pikë, 6 asiste dhe 4 rikuperime, mes tyre edhe 7 realizime 3-pikëshe.
Krahas 25-vjeçarit serb, një lojë mjaft të mirë për Yjet e Botës, zhvilloi edhe basketbollisti nga Bahamasi, Hield, që regjistroi 29 pikë, 3 asiste dhe 3 rikuperime, por realizoi vetëm 5 nga 14 tentativat e tij për 3 pikë.
Në orët e para të së hënës do të zhvillohet një tjetër ndeshje spektakolare All Stars, mes Team LeBron dhe Team Stephen, ose skuadrat e LeBron James dhe Stephen Curry-t. Ashtu si sfida e sotme, edhe kjo pritet të prodhojë spektakël, pasi emrat pjesëmarrës e premtojnë diçka të tillë.
