Golden State Warrios shpërthen me një fitore të frikshme 103 – 133 ndaj Dallas Mavericks në përballjen e katërt sezonale në NBA. Kampionët në fuqi, që kanë pësuar dy humbje surprizë ndaj Houstonit dhe Memphisit, u treguan të pamëshirshëm në “American Airlines Center”, ku gjetën një kundërshtar që u dorëzua që në periodën e parë. Curry, Durant dhe Thompson, që realizuan respektivisht 29, 25 dhe 21 pikë, ishin më të mirët mbi parket, sidomos në periodën e fundit, ku dhe e cuan diferencën në plot 30 pikë,
Gjen fitoren e parë sezonane pas tri humbjeve radhazi Philadelphia 76ers, që kaloi Detroit Pistons 86 – 97 falë lojës së shkëlqyer të basketbollistit nga Kameruni Embiid, që shënoi 30 pikë dhe kontrolloi 9 topa nën tabelë.
Befason sërish Memphis Grizzlies, që gjeti fitoren e tretë radhazi, këtë herë përballë Houston Rokckets të James Harden. 90 – 98 u mbyll kjo përballje, ku shkëlqeu Marc Gasol me 26 pikë, ndërsa Harden u ndal në 22 pikë.
Suksesin e tretë në po kaq ndeshje e siguroi edhe Washington Wizards, që kaloi kaloi 104 – 109 Denver Nuggets, edhe pse për vendasit shkëlqeu Jokic me 29 pikë, 5 asiste dhe 9 rikuperime.
San Antonio Spurs e bëri të pavlefshme paraqitjen e DeRozan, që shënoi plot 28 pikë për Raptors, pasi rezultati përfundimtar ishte 101 – 97 për skuadrën teksane. Në takimet e tjera u arritën këto rezultate: Miami Heat – Atlanta Hawks 104 – 93, Milwaukee Bucks – Charlotte Hornets 103 – 94 dhe Phoenix Suns – Sacramento Kings 117 – 115.